2026 жылғы 10 ақпанда Екібастұз қаласы әкімі аппаратының басшысы Ж.Б. Төребековтің төрағалығымен, Павлодар облысы әкімі аппаратының әдеп жөніндегі уәкілі Д.Қ. Каукеновтің және Екібастұз қаласы әкімі аппаратының әдеп жөніндегі уәкілі С.С. Төлеубаевтың қатысуымен Қазақстан Республикасының сыбайлас жемқорлыққа қарсы іс-қимыл туралы заңнамасы талаптарын түсіндіру мәселелері бойынша кездесу өткізілді.
Аталған іс-шараға Екібастұз қаласы әкімдігі жергілікті атқарушы органдарының мемлекеттік қызметшілері, сондай-ақ Екібастұз қалалық мәслихаты аппаратының қызметкерлері қатысты.
Негізгі назар келесі мәселелерге аударылды:
- мемлекеттік қызметтің беделіне нұқсан келтіретін әрекеттерге жол бермеу;
- қызметтік тәртіп пен еңбек тәртібін сақтау;
- азаматтармен және әріптестермен өзара іс-қимыл барысында сыпайы әрі әдепті мінез-құлық таныту;
- мүдделер қақтығысының алдын алу және оны реттеу;
- сыбайлас жемқорлыққа қарсы шектеулерді және мемлекеттік қызмет туралы заңнама талаптарын сақтау.
Кездесу қорытындысы бойынша мемлекеттік қызметшілерге Қазақстан Республикасы мемлекеттік қызметшілері әдеп кодексінің нормаларын, мемлекеттік қызмет туралы заңнама талаптарын қатаң сақтау және қызметтік тәртіпті сақтау бойынша бақылауды күшейту ұсынылды.