Статистика деректері бойынша Екібастұз қаласы мен ауылдық аймақта болған өрттердің, оның ішінде адамдардың қаза болуы мен жарақаттануына әкеп соққан өрттердің негізгі үлесі тұрғын үй секторына келеді. 2020 жылы көппәтерлі және жеке тұрғын үйлерде 43 өрт болды, онда 2 адам қаза тауып, 4 адам өрт кезінде жарақат алды.
Тұрғын үй секторында өрттің шығу себептері:
- электр құралдарын пайдалану ережелерін бұзу;
- ақаулы электр жабдықтарын пайдалану;
- отпен абайсыз болу;
- төсекте темекі шегу, әсіресе мас күйінде;
- электр сымдарының қысқа тұйықталуы.
Осыған байланысты Екібастұз қаласы ТЖ басқармасының қызметкерлері өрттің алдын алу және санын азайту мақсатында күн сайын тұрғын үй секторында өрт қауіпсіздігі бойынша рейдтер өткізеді. Рейдтік іс-шаралар барысында қызметкерлер жеке және көп пәтерлі тұрғын үйлердің тұрғындарымен өрт қауіпсіздігі ережелері мен шұғыл қызметтердің телефон нөмірлері толық жазылған жадынамаларды тапсыру арқылы нұсқаулық жүргізеді, олар бойынша ересектер мен балалар оқиға туралы хабарлап, тез арада көмек ала алады.
Өрт қауіпсіздігі ережелерін сақтаңыздар!!!
Өрт кезінде " 101"
Құтқару қызметі " 112"
Рогожина Е.С., Екібастұз қаласы
ТЖ басқармасы зілзалалардың
қауіп-қатерін азайту және азаматтық
қорғау саласындағы бақылау
тобының бас маманы,
азаматтық қорғау
подполковнигі.