2020 жылдың 14-16 қыркүйегінде Солнечный кентінің, Шідерті кентінің, Бесқауға және Қоянды ауылдарының аз қамтамасыз етілген, тұрмысы қолайсыз отбасыларына рейдтер жүргізілді. Рейдке кәмелетке толмағандардың істері және олардың құқықтарын қорғау жөніндегі комиссияның хатшысы, білім бөлімінің, жұмыспен қамту және әлеуметтік мәселелер бөлімінің мамандары, сондай-ақ ювенальді полиция тобының инспекторы қатысты.
Аталған іс – шараның мақсаты-кәмелетке толмаған балаларды тәрбиелеу және күтіп ұстау бойынша өз міндеттерін тиісінше орындамайтын ата-аналарға бақылауды жүзеге асыру, отбасындағы әлеуметтік-психологиялық ахуалды қалыпқа келтіруге жәрдем көрсету.
Рейд барысында 36 отбасы қамтылды. Кәмелетке толмағандардың жағдайлары, өмір салты зерттелді, ата-аналарға бала тәрбиесіндегі жауапкершілік, отбасындағы қатыгездікке жол бермеу және салауатты өмір салтын ұстану қажеттілігі туралы түсіндірілді.