Жұмыс жоспарын орындау және ауыл шаруашылығы объектілерінде өрт қауіпсіздігі талаптарының орындалуын бақылауды ұйымдастыру және дәнді және масақты дақылдар алқаптарының жануына жол бермеу мақсатында, сондай-ақ астық жинау науқанын өткізу кезеңінде өрт қауіпсіздігін қамтамасыз ету мақсатында азаматтық қорғау органдарының қызметкерлері профилактикалық іс-шаралар жүргізеді.
Осыған байланысты, астық жинау науқанын дайындауға және өткізуге қатысатын ұйымдардың басшылары дайындық және астық жинау жұмыстары кезінде өрт қауіпсіздігі шараларын сақтауы қажет.
Өрт қауіпсіздігі ережелерін сақтау-әр адамның міндеті, оны орындау егістікте де, оны өңдеу және сақтау орындарында да өнімнің сақталуына байланысты.
Астық жинау және ірі жем-шөп дайындау басталғанға дейін:
а) ауыл шаруашылығы кәсіпорнының басшысы жинау машиналары мен агрегаттарын өртке қарсы дайындауға, механизаторлардың өртке қарсы нұсқамасын ұйымдастыруға, сондай-ақ астық жинау және ірі жем-шөп дайындау кезінде өрт қауіпсіздігі ережелерін сақтауға жауапты тұлғаларды тағайындауы тиіс;
б) тракторшылар, комбайнерлер, олардың көмекшілері және басқа механизаторлар, сондай-ақ егін жинауға және жем-шөп дайындауға тартылған лауазымды тұлғалар арнайы бағдарлама бойынша өртке қарсы нұсқамадан өтуі тиіс;
в) егін жинау жұмыстарына бөлінген адамдарға да өрт қауіпсіздігінің негізгі шаралары туралы нұсқау берілуі тиіс;
г) нан пісетін кезеңде егістіктерді қорғау үшін шолғыншы және далалық айналып өтушілерді бөлу қажет;
д) техниканың өртке қарсы тұрғыдан жинау жұмыстарына дайындығын әрбір ауыл шаруашылығы кәсіпорны жанынан құрылатын арнайы комиссиялар тексеруі тиіс;
Дәнді дақылдарды жинау және жем дайындау кезінде келесі талаптарды сақтау қажет:
- егін жинау басталғанға дейін объект басшысы жинау машиналары мен агрегаттарын өртке қарсы дайындауға, комбайнерлерге, кептіру кешендерінің машинистеріне, жүргізушілерге, тракторшыларға өртке қарсы нұсқаулық ұйымдастыруға, сондай-ақ астық жинау және ірі жем-шөп дайындау кезінде өрт қауіпсіздігі ережелерін сақтауға жауапты тұлғаларды тағайындауы тиіс;
- комбайнерлер, кептіру кешендерінің машинистері, жүргізушілер, тракторшылар, сондай-ақ егін жинауға тартылған лауазымды тұлғалар ӨТМ бағдарламасы бойынша дайындықтан өтуі тиіс;
- егін жинау жұмыстарына жіберілген қызметкерлермен өртке қарсы нұсқаманы тіркеу журналына белгі қою арқылы өртке қарсы нұсқаулық өткізілуі тиіс.
Астықты сақтауға арналған үй-жайларда жол берілмейді:
- кез келген басқа өрт қауіпті материалдарды, техника мен жабдықтарды сақтау;
- адамдар тұрақты немесе қысқа мерзімді болатын қосалқы үй-жайлар мен жұмыс орындарын орналастыру;
- жылыту аспаптарын сәндік торлармен жабу.
Қолданыстағы заңнамаға сәйкес өрт қауіпсіздігі талаптарын бұзғаны үшін жауапкершілік:
- мүлік иелері;
- жергілікті өзін-өзі басқару органдарының басшылары;
- мүлікті иеленуге, пайдалануға немесе оған билік етуге уәкілетті тұлғалар, оның ішінде ұйымдардың басшылары;
- белгіленген тәртіппен өрт қауіпсіздігін қамтамасыз етуге жауапты болып тағайындалған тұлғалар;
- өз құзыреті шегінде лауазымды тұлғалар.
Нан-біздің байлығымыз. Егіннің ең қауіпті жауы-от. Өрттен астықты сақтаңыздар!
Өрт немесе өзге де төтенше жағдай (ТЖ) анықталған кезде — 101, 112 телефонына қоңырау шалыңыз.
Екібастұз қаласы ТЖБ
МҚҚЖҚББ инженері
а/қ лейтенанты А Усеев