Облыс орталығынан кейін жаңа жұмыс форматына көшкен Ақсу және Екібастұз қалаларының халыққа қызмет көрсету орталықтарында қызметтерге қол жеткізу үшін кезекті алдын ала брондау қажет. Естеріңізге сала кетейік, бұған дейін Екібастұзда екінші бөлім мен ашық әкімдікте eGov-тың бұрышы іске қосылды.
ХҚО-ға кезекті egov.kz порталындағы "ХҚО-ға кезекті брондау" арнайы сервисі мен 1414 нөміріне қоңырау шалу арқылы брондауға болады. Кезекке тапсырыс берген азаматтар қатаң түрде көрсетілген уақытта келуі шарт, өйткені егер уақыт өтіп кетсе, олар резервтік процедурадан қайтадан өтуі тиіс. Бірақ жарты сағат, тіпті бір сағат бұрын келудің қажеті жоқ, көрсетілген уақытқа дейін 10-15 минут бұрын келген жөн. Сонымен қатар броньды тек ЖСН-ге рәсімделген азамат қана пайдалана алады.