БАҚ, онлайн-платформаларды пайдаланушылар үшін «Қазақстан Республикасындағы сайлау туралы» ҚР Конституциялық заңының 28-бабына сәйкес хабарлаймыз:
Төлем мөлшері, шарттық негізде ұсынылған үгіт материалдарын орналастыру шарттары туралы мәліметтерді тиісті бұқаралық ақпарат құралы, онлайн-платформаны пайдаланушы сайлау алдындағы үгітті өткізу басталғанға дейін бес күннен кешіктірмей (2024 жылғы 23 қаңтардан кешіктірмей) жариялауға және ораналастыруға, сондай – ақ әкімдерді сайлау кезінде аумақтық сайлау комиссияларына ұсынуға тиіс.
Аумақтық сайлау комиссияларының интернет-ресурстарында бұқаралық ақпарат құралдары, онлайн-платформаларды пайдаланушылар ұсынған төлем мөлшері, үгіт материалдарын орналастыру шарттары туралы мәліметтер орналастырылады.
Шарттық негізде эфир уақытын, баспа алаңын және ақпарат көлемін ұсынатын бұқаралық ақпарат құралдары, онлайн-платформаны пайдаланушылар төлем мөлшері, үгіт материалдарын орналастыру шарттары туралы мәліметтер жарияланғанға дейін кандидаттардың үгіт материалдарын орналастыруды, таратуды жүзеге асыра алмайды.