2023 жылғы 23 сәуірде бір сайлау округінде Солнечный поселкесі әкімінің сайлауы өтті.
«Қазақстан Республикасындағы сайлау туралы» Қазақстан Республикасы Конституциялық заңының 14-бабының 9) тармақшасына, 44-бабының 2-тармағына, 45-бабына, 113-10-бабына сәйкес Екібастұз қалалық аумақтық сайлау комиссиясы учаскелік сайлау комиссияларының Екібастұз қаласы Солнечный поселкесінің әкімін сайлау нәтижелері туралы хаттамалары негізінде сайлау қорытындыларын анықтады:
Сайлау округі бойынша сайлаушылар тізіміне 3847 азамат енгізілді, оның ішінде дауыс берген 2027, соның ішінде: есептен шығару куәліктері бойынша – 0, дауыс беруге арналған үй-жайдан тыс жерде – 32. Жарамсыз бюллетеньдер саны - 272, «Барлығына қарсы» белгісі бар - 239.
Барлығы 4 кандидат өзін-өзі ұсыну тәртібімен ұсынылды: Ерлан Естаевич Акылтаев, Алибек Айтмагамбетович Аубакиров, Бахтияр Жасылханович Мырзалиев, Канаш Жумажанович Рахимбеков.
2023 жылғы 31 наурызда кандидат Б.Ж. Мырзалиевке Қазақстан Республикасының мемлекеттік қызмет саласындағы заңнамасының талаптарына сәйкес келмеуіне байланысты тіркеуден бас тартылды.
Әр кандидатқа берілген дауыстар саны:
Е.Е. Акылтаев – 167, А.А. Аубакиров – 701, К.Ж. Рахимбеков – 648.
Нәтижесі бойынша Солнечный поселкесінің әкімі болып Алибек Айтмагамбетович Аубакиров сайланды, 1985 жылы туған, Солнечный поселкесі әкімінің орынбасары, Солнечный поселкесінде тұрады, өзін-өзі ұсыну тәртібімен ұсынылған.
Екібастұз қалалық аумақтық сайлау комиссиясы