2023 жылғы 29 қаңтарда екі сайлау округінде ауыл әкімдерінің сайлауы өтті.
Қазақстан Республикасындағы сайлау туралы Қазақстан Республикасы Конституциялық заңының 14-бабының 9) тармақшасына, 44-бабының 2-тармағына, 45-бабына, 113-10-бабына сәйкес Екібастұз қалалық аумақтық сайлау комиссиясы учаскелік сайлау комиссияларының Екібастұз қаласы Екібастұз ауылдық округінің және академик Әлкей Марғұлан атындағы ауылының әкімдерін сайлау нәтижелері туралы хаттамалары негізінде сайлау қорытындыларын белгіледі:
Екібастұз ауылдық округі
Екібастұз ауылдық округінің әкімін сайлау бойынша.
Сайлау округі бойынша сайлаушылар тізіміне 487 азамат енгізілді, оның ішінде дауыс берген 447. Жарамсыз бюллетеньдер саны - 4, «Барлығына қарсы» белгісі бар - 6.
Әр кандидатқа берілген дауыстар саны:
С.Т. Арынова– 80, Е.С. Аушакимов - 46, Ж.К. Ибраев– 311.
Екібастұз ауылдық округінің әкімі болып Жанат Кабдулуахитович Ибраев сайланды, 1976 жылы туған, «Екібастұз ауылдық округі әкімінің аппараты» ММ әкімі, Екібастұз қаласы Екібастұз ауылдық округінің Төртүй ауылында тұрады, «AMANAT» партиясымен ұсынылған.
Академик Әлкей Марғұлан атындағы селосы
Академик Әлкей Марғұлан атындағы ауылының әкімін сайлау бойынша.
Сайлау округі бойынша сайлаушылар тізіміне 287 азамат енгізілді, оның ішінде дауыс берген 232. Жарамсыз бюллетеньдер саны - 2, «Барлығына қарсы» белгісі бар - 3.
Әр кандидатқа берілген дауыстардың саны:
Б.К. Бозтаев– 133, Ж. Жанымхан - 92, У.А. Коваленко– 1, С. Хуантай - 1.
Академик Әлкей Марғұлан атындағы ауыл әкімі болып Бауыржан Кенжетаевич Бозтаев сайланды, 1976 жылы туған, «Олжас» ШҚ басқарушысы, академик Әлкей Марғұлан атындағы ауылда тұрады, өзін-өзі ұсынған.
Екібастұз қалалық аумақтық сайлау комиссиясы