Бүгін Екібастұз қаласы «Екібастұз қаласы әкімдігінің мәдениет, тілдерді дамыту, дене шынықтыру және спорт бөлімінің басшысының м.а Медығат Жанайдарұлымен
театр басшысы Арман Темірбекұлы мәдени ынтымақтастықты орнату жөніндегі меморандумға қол қойды.
Меморандум Мемлекет басшысы Қасым-Жомарт Тоқаевтың «ЖАҢА ҚАЗАҚСТАН: ЖАҢАРУ МЕН ЖАҢҒЫРУ ЖОЛЫ» атты жолдауы аясында жүзеге асырылмақ.
Меморандум облысымыздың мәдени өмірін жандандырып, руханиятын бірлесе дамытуға арналады.
Сондай-ақ, «ӨНЕР» қалалық мәдениет сарайы арасындағы келіссөздер жүргізіліп, алдағы уақытқа жоспарлар белгіленді.
Екі жақты келісім нәтижесінде Екібастұз қаласының тұрғындары Ж.Аймауытов атындағы қазақ музыка-драма театрының кезекті премьералары мен қойылымдарын “Өнер” мәдениет үйінде тамашалай алады.
Алдағы уақытта мәдени сабақтастық артып, бірлескен жобалар жүзеге асырыла бермек.