1-тарау. Жалпы ережелер
- Екібастұз қаласы Қоянды ауылдық округі әкімінің аппараты (бұдан әрі – әкімнің аппараты) Қоянды ауылдық округі әкімінің (бұдан әрі – әкім) қызметін қамтамасыз ететін және Қазақстан Республикасының заңнамасында көзделген өзге де функцияларды жүзеге асыратын мемлекеттік мекеме болып табылады.
- Әкімнің аппараты өз қызметін Қазақстан Республикасының Конституциясына және заңдарына, Қазақстан Республикасының Президенті мен Үкіметінің актілеріне, өзге де нормативтік құқықтық актілерге, сондай-ақ осы Әкімнің аппараты туралы ережеге сәйкес жүзеге асырады.
3.Әкім аппараты мемлекеттік мекеменің ұйымдық-құқықтық нысанындағы заңды тұлға болып табылады, Қазақстан Республикасының заңнамасына сәйкес мемлекеттік тілде өз атауы бар мөрі мен мөртаңбалары, белгіленген үлгідегі бланкілері, қазынашылық органдарында шоттары болады.
- Әкім аппараты өз атынан азаматтық-құқықтық қатынастарға түседі.
- Әкім аппараты заңнамаға сәйкес мемлекеттің атынан азаматтық-құқықтық қатынастардың тарапы болуға құқылы.
- Қоянды ауылдық округі әкімінің аппараты туралы ережені, оның құрылымын Екібастұз қаласының әкімдігі бекітеді.
- Әкім аппаратының толық атауы:
мемлекеттік тілде: «Екібастұз қаласы Қоянды ауылдық округі әкімінің аппараты» мемлекеттік мекемесі;
ресми тілде: государственное учреждение «Аппарат акима Қояндинского сельского округа города Экибастуза».
Әкім аппаратының заңды мекен-жайы. Қазақстан Республикасы, 141200, Павлодар облысы, Қоянды ауылдық округі, Екібастұз қаласы, Бесқауға ауылы, Машхур Жусупа Копеева көшесі, 2 ғимарат.
- Қоянды ауылдық округі әкімінің аппараты Екібастұз қаласының әкімдігі құрады, қысқартады және қайта ұйымдастырады.
- Әкімнің аппараты жергілікті бюджет қаражаты есебінен ұсталатын мемлекеттік мекеме.
- Әкімнің аппаратына әкім аппаратының функциялары болып табылатын міндеттерді орындау тұрғысынан кәсiпкерлiк субъектiлерімен шарттық қатынастарға түсуге жол берілмейді.