БАЛАЛАРҒА ҚОСЫМША БІЛІМ БЕРУ

Қосымша білімберу жүйесі туралы

Павлодар облысында 87 қосымша білім беру ұйымы (мемлекеттік – 38, жекеменшік - 49) жұмыс жасайды. Мектептер мен мектептен тыс мекемелердегі үйірмелер мен секциялармен барлығы 107 мың бала (93 %) қамтылған (оқушылардың жалпы контингенті – 115 мың)

Ауылдық жерлердегі мектептерде балаларды қосымша білім берудің алуан түрлерімен қамтамасыз ету мақсатында 2023-2025 жылдарда  қосымша білім беру ұйымдарының 103 филиалы ашылды.

Қосымша білім беру ұйымдарында шығармашылық үйірмелер мен спорттық секцияларға қатысу тегін. Балаларға қосымша білім беруге мемлекеттік тапсырыс шеңберінде жеке меншік ұйымдардағы  үйірмелер мен секцияларға тегін қатысу мүмкіндігі бар.

2026 жылы балаларға арналған қосымша білім беру мемлекеттік тапсырысы 7 бағыт бойынша 3330 орын көлемінде орналастырылды. Облыс бойынша (3 қала, 4 аудан) 49 жеке меншік қосымша білім беру ұйымы жұмыс жасайды.