Сыбайлас жемқорлық құқық бұзушылықтардың алдын алу бойынша жұмыс шеңберінде облыстық дін істері басқармасының басшысы 2021 жылғы 02 сәуірде «сыбайлас жемқорлық тәуекелдеріне ішкі талдау жүргізу жөніндегі жұмыс тобын құру туралы» №10 бұйрыққа қол қойды.
Басқармада және оған ведомстволық бағынысты ұйымда – «Конфессияаралық қарым-қатынастарды талдау және дамыту орталығы» КММ-де 2021 жылдың 8 айында сыбайлас жемқорлық құқық бұзушылықтар үшін жауаптылыққа тартылған басшылар мен мамандар жоқ.
Ағымдағы жылдың басынан бастап сыбайлас жемқорлық көріністерінің алдын алу мақсатында Облыстың дін істері басқармасы келесі жұмыстарды жүргізді:
Басқарма қызметіндегі сыбайлас жемқорлық тәуекелдеріне ішкі талдау келесі бағыттар бойынша жүргізілді:
1) басқарманың қызметін қозғайтын нормативтік құқықтық актілерде сыбайлас жемқорлық тәуекелдерін анықтау;
2) басқарманың ұйымдастырушылық-басқарушылық қызметінде сыбайлас жемқорлық тәуекелдерін анықтау.
Сыбайлас жемқорлық тәуекелдерін ішкі талдау барысында сыбайлас жемқорлық тәуекелдерін ішкі талдау объектісінің қызметін, персоналды басқару қызметін, мемлекеттік қызметтерді көрсету бойынша, мемлекеттік сатып алуды жүзеге асыру бойынша қызметті реттейтін басқарманың нормативтік-құқықтық құжаттамасы зерделенді. Талдау нәтижелері бойынша аналитикалық анықтама ұсынылды.
Ағымдағы жылдың 8 айында басқармада сыбайлас жемқорлық құқық бұзушылықтардың алдын алу мақсатында басқарма мамандары үшін «Мемлекеттік қызмет туралы», «Мемлекеттік қызметшінің әдеп және мінез-құлық нормаларын сақтау туралы», «Сыбайлас жемқорлықтың алдын алу туралы», «Жеке және заңды тұлғалардың өтініштерін қарау тәртібі туралы», «Мемлекеттік көрсетілетін қызметтер туралы» тақырыптарында 5 семинар өткізілді.
Жұмысқа қабылдау және Мемлекеттік қызмет атқару кезінде міндетті түрде басқарма қызметкерлері мемлекеттік қызметте болуға байланысты шектеулерді қабылдау туралы міндеттемелерге, сыбайлас жемқорлыққа қарсы шектеулерге, «Қазақстан Республикасының мемлекеттік қызметі туралы» 2015 жылғы 23 қарашадағы Қазақстан Республикасының Заңында белгіленген шектеулер бойынша міндеттемелерге, ҚР Мемлекеттік қызметшілерінің Әдеп кодексін (мемлекеттік қызметшілердің қызметтік әдеп қағидаларын) сақтау бойынша міндеттемелерге қол қояды.
Сыбайлас жемқорлық фактілерін болдырмау мақсатында Басқармада халық үшін 8 (7182) 61-82-19 «сенім телефоны» жұмыс істейді.