Аталған қаулыны қабылдау мақсаты 2022 жылға минералдық тыңайтқыштардың құнын (органикалық тыңайтқыштарды қоспағанда) субсидиялауға арналған бюджет қаражатының көлемін бекіту болып табылады.
Қаулы «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 27-бабына, «Өсімдік шаруашылығы өнімінің шығымдылығы мен сапасын арттыруды субсидиялау қағидаларын бекіту туралы» Қазақстан Республикасы Ауыл шаруашылығы министрінің 2020 жылғы 30 наурыздағы № 107 бұйрығына, 2022 – 2024 жылдарға арналған республикалық бюджет туралы «Қазақстан Республикасының Заңын іске асыру туралы» Қазақстан Республикасы Үкіметінің 2021 жылғы 9 желтоқсандағы № 872 қаулысына сәйкес әзірленген.
Жоба 2022 жылғы 9 наурызда ашық нормативтік құқықтық актілердің интернет-порталында орналастырылды, 2022 жылғы 28 наурызға дейін өзекті.
https://legalacts.egov.kz/arm/admin/viewcard?id=14025922
Аталған қаулыны іске асыру үшін жергілікті бюджеттен «Тыңайтқыштардың құнын (органикалық тыңайтқыштарды қоспағанда) субсидиялау» 047 бағдарламасы бойынша 1 121 370 000 (бір миллиард жүз жиырма бір миллион үш жүз жетпіс мың) теңге сомасында қаражат бөлінді.