Жасым 65-те, зейнеткермін, бірақ жақында кішігірім жұмысқа шықтым, бір компанияда күзетші болып істеймін. Енді «жұмыс берушім жалақымның 10%  БЖЗҚ-ға аудара ма?»  деген сұрақ туындады. Өйткені, сіздерден онсыз да зейнетақы төлемдерін алып жүрмін ғой.

Газеттердің редакциларына, www.enpf.kz сайтына, әлеуметтік желілердегі БЖЗҚ парақшаларына, Қордың байланыс орталығына зейнетақы жинақтары мен жалпы зейнетақы жүйесі туралы көбірек білгісі келетіндерден сауалдар келіп түседі. Олардың ішіндегі ең көп қойылатын сауалдарға жауапты «БЖЗҚ сұрақтарға жауап береді» айдарынан оқи аласыздар.

Жасым 65-те, зейнеткермін, бірақ жақында кішігірім жұмысқа шықтым, бір компанияда күзетші болып істеймін. Енді «жұмыс берушім жалақымның 10%  БЖЗҚ-ға аудара ма?»  деген сұрақ туындады. Өйткені, сіздерден онсыз да зейнетақы төлемдерін алып жүрмін ғой.

ҚР «Қазақстан Республикасында зейнетақымен қамсыздандыру туралы» Заңының 24-бабы 2 және 3-тармақтарының 1) тармақшасына сәйкес, зейнет жасына толған жеке тұлғалар осы заңның 11-бабының 1-тармағына көзделген тәртіппен БЖЗҚ-ға міндетті зейнетақы жарналарын және міндетті кәсіптік зейнетақы жарналарын төлеуден босатылады.

Жалпыға бірдей белгіленген зейнет жасы ерлер үшін – 63, әйелдер үшін 2022 жылы - 60,5 жас деп белгіленген, одан әрі әйелдердің зейнет жасы жыл сайын алты айға ұлғайтылып, 2027 жылы 63 жасқа жеткізіледі.