Дауылды желдің салдарынан ғимарат шатырының бұзылуы жөнінде.

Павлодар облысы әртүрлі табиғи сипаттағы төтенше жағдайларға бейім, олардың бірі 35 м/с жылдамдыққа жететін дауылды желдер болып табылады, бұл байланыс, электр беру желілері тіректерінің, ағаштардың жаппай құлауына және шатырдың бұзылуына әкелуі мүмкін. Бұл айтарлықтай материалдық шығындарға және халықтың тіршілігін қамтамасыз етудің бұзылуына әкеледі.

Бүгінгі күні дауылды желдің салдарынан ғимарат шатырының бұзылуы жиілеп кетті. Желдің себебі-ауа қысымының үздіксіз өзгеруі. Ағымдағы жылы Павлодар облысында шатыр жабынын бұзудың 8 жағдайы тіркелді. Негізінен шатырдың бұзылуы шатыр ұзақ уақыт бойы жөнделмеген ғимараттарда орын алады немесе жөндеу сапасыз шатыр материалдарын қолданумен немесе дұрыс емес құрылысқа байланысты болды.

Баянауыл ауданының ТЖБ азаматтардан ғимараттар құрылысының нормативтерін сақтауды, қажет болған жағдайда шатыр элементтерін ауыстыруды немесе нығайтуды, қауіпті метеорологиялық құбылыстар кезінде сақтық шараларын сақтауды, сондай-ақ 112-қызметтен дауыл туралы келіп түскен СМС-хабарламаларды ескеруді сұрайды.

Баянауыл ауданының ТЖ бөлімі