Халыққа қызмет көрсету орталықтары мамыр айында қалай жұмыс істейді

Ағымдағы жылғы 1, 2, 7, 9, 10 мамыр мереке күндері демалыс болып саналады. Дүйсенбі, 3 мамырда, Халыққа қызмет көрсету орталықтары сенбі күні үшін жұмыс істейді, сондықтан сағат 09.00 - ден 14.00-ге дейін жұмыс істейтін болады.

Естеріңізге сала кетейік, Павлодар, Ақсу, Екібастұз қалаларының ХҚО-лары азаматтарды кезекті алдын ала брондау бойынша қабылдайды. Мұны төрт жолмен жасауға болады –eGov.kz порталында, eGovKzBot2.0 телеграм-боты, eGov mobile мобильді қосымшасы арқылы немесе 1414 бірыңғай колл-орталығына қоңырау шалу арқылы. Ол үшін "ХҚО-на электронды кезекті брондау" қызметтер тізімінен таңдап, жеке деректерді толтыру қажет, керекті күн мен уақытты, бөлімді теріп, тағайындалған уақытқа дейін 5-10 минут бұрын келу қажет. Кезекті сәтті брондаған жағдайда телефоныңызға СМС растау келеді.

"Азаматтардан қызметтерді барынша онлайн режимде алуды сұраймыз, өйткені бүгінгі таңда ХҚО-ға бармай-ақ алуға болатын қызметтердің 90% - ы электрондық форматқа ауыстырылды. Егер сізге қажетті қызмет әлі онлайн қолжетімсіз болса, кезекті алдын ала  брондағаныңыз жөн, ХҚО - ға барған кезде әлеуметтік қашықтық пен бетперде режимін сақтаңыз, сондай-ақ қызметалушылардан қасында артық адамдарды ертіп жүрмеуді сұраймыз", - дейді Ертіс өңірінің тұрғындарына Азаматтарға арналған үкіметтің облыстық филиалының директоры Фархат Әлімов.

Анықтама: Халыққа қызмет көрсету орталықтарының жұмыс тәртібі дүйсенбіден жұмаға дейін 09.00 – 18.00, сенбі күні 09. 00 – 14. 00 дейін.