2021 жылдың 25 наурызында VIІ сайланған Баянауыл аудандық мәслихатының бірлескен тұрақты комиссия отырысы өтті.

Бірлескен тұрақты комиссия отырысына аудан әкімнің орынбасарлары, Майқайың кенті мен Ақсан, Баянауыл, Жаңажол, Қызылтау, Сәтбаев, Торайғыр ауылдық округтердің әкімдері, ауданның экономика және бюджеттік жоспарлау, ауданның экономиканың нақты сектор, ауданның ішкі саясат, мәдениет және тілдерді дамыту, ауданның жұмыспен қамту және әлеуметтік бағдарламалар бөлімдерінің басшылары қатысты.

Күн тәртібінде келесі мәселелер қарастырылды:

1) Баянауыл аудандық мәслихатының 2020 жылғы 25 желтоқсандағы «2021-2023 жылдарға арналған Баянауыл аудандық бюджеті туралы» № 368/65 шешіміне өзгерістер енгізу туралы;

2) 2021 жылға арналған Баянауыл ауданының ауылдық елді мекендеріне жұмыс істеу және тұру үшін келген денсаулық сақтау, білім беру, әлеуметтік қамсыздандыру, мәдениет, спорт және агроөнеркәсіптік кешен саласындағы мамандарға кенттер, ауылдық округтер әкімдері аппараттарының мемлекеттік қызметшілеріне әлеуметтік қолдау шараларын ұсыну туралы;

3) Павлодар облысы, Баянауыл ауданы, Торайғыр ауылдық округі, Торайғыр ауылының түзетілген бас жоспары және Павлодар облысы, Баянауыл ауданы, Ақсан ауылдық округі, Қаражар ауылының түзетілген бас жоспарымен біріктірілген даму және құрылыс жүргізу схемаларын бекіту туралы;

4) Баянауыл аудандық мәслихатының 2021 жылғы 8 қаңтардағы «Баянауыл ауданында бейбіт жиналыстарды ұйымдастыру және өткізу үшін арнайы орындарды, бейбіт жиналыстарды ұйымдастыру және өткізу үшін арнайы орындарды пайдалану тәртібін, олардың шекті толу нормаларын, сондай-ақ бейбіт жиналыстарды ұйымдастыру және өткізу үшін арнайы орындарды материалдық-техникалық және ұйымдастырушылық қамтамасыз етуге қойылатын талаптарды, пикеттеуді өткізуге тыйым салынған іргелес аумақтардың шекараларын айқындау туралы» № 376/67 шешіміне өзгеріс енгізу туралы;

5) Әлеуметтік көмек көрсетудің, оның мөлшерлерін белгілеудің және Баянауыл ауданы мұқтаж азаматтардың жекелеген санаттарының тізбесін айқындаудың Қағидаларын бекіту туралы.