Сыбайлас жемқорлық – қоғам дерті

Сыбайлас жемқорлық – кез келген мемлекеттің дамуына кедергі келтіретін, қоғамның сенімін жоғалтатын аса қауіпті әлеуметтік құбылыс.

Сыбайлас жемқорлықтың ең қауіпті тұсы – оның жасырын әрі жүйелі түрде таралуы. Бұл құбылыс мемлекеттік қызметтегі әділдікке нұқсан келтіріп, қоғамда әлеуметтік теңсіздік тудырады. Әділдік жоғалған жерде сенім де жоғалады.

Мемлекетіміз бұл мәселені жақсы түсініп, жүйелі түрде күрес жүргізіп келеді. Қазақстанда сыбайлас жемқорлыққа қарсы кешенді шаралар қабылданып, заңнамалық негіздер нығайтылды. «Сыбайлас жемқорлыққа қарсы іс-қимыл туралы» Заң, ұлттық стратегиялар мен тұжырымдамалар осы бағыттағы жұмыстың негізі болып отыр.

Сонымен қатар, ең басты күш – азаматтардың өздерінде. Әр адам адалдықты өмір салтына айналдырып, заңсыз әрекеттерге төзбеушілік танытуы қажет.

Бұл тұрғыда аудан аумағында жүйелі жұмыс жүргізіліп, ішкі талдау жасалады.

Сыбайлас жемқорлықты жеңу – бұл тек мемлекеттің ғана емес, бүкіл қоғамның ортақ міндеті. Әр азаматтың белсенді ұстанымы мен адалдығы ғана еліміздің жарқын болашағына жол аша алады.

А. Ксентаев,

Баянауыл ауданының әкімі.