2023 жылғы 1 қыркүйектен бастап зейнетақы жарналары БЖЗҚ-ның жаңа деректемелері бойынша аударылады

"БЖЗҚ" АҚ Қазақстан Республикасы Ұлттық Банкінің "Банк-Клиент " қашықтан банктік қызмет көрсету жүйесіне көшудің аяқталуына байланысты зейнетақы жарналарын 2023 жылғы 1 қыркүйектен бастап БЖЗҚ-ның жаңа деректемелері бойынша ғана аударуға болатынын хабарлайды.  

Бұл ақпарат, ең алдымен, ерікті зейнетақы жарналарын (ЕЗЖ) өз бетінше немесе жұмыс берушілер арқылы екінші деңгейдегі банктер және "Қазпошта"АҚ бөлімшелері арқылы аударатын салымшыларға арналған.

Міндетті зейнетақы жарналарын, міндетті кәсіптік зейнетақы жарналарын аударуға келетін болсақ, олар Мемлекеттік корпорацияға аударылуы тиіс. Ол, өз кезегінде, аталмыш жарналарды БЖЗҚ-ға өзекті деректемелер бойынша аударады.