Павлодар аудандық аумақтық сайлау комиссиясының жанындағы Жас сайлаушылар клубы туралы

Ереже

 

1. Жалпы ережелер

 

1. Павлодар аудандық аумақтық сайлау комиссиясының жанындағы Жас сайлаушылар клубы (бұдан әрі – Клуб) Павлодар аудандық аумақтық сайлау комиссиясының (бұдан әрі – Павлодар ААСК) жанындағы консультативтік-кеңесші органы болып табылады.

Осы Ереже клуб қызметін жүзеге асыру тәртібін анықтайды.

2. Клуб өз қызметін жүзеге асыру кезінде Павлодар ААСК мүшелерімен, сондай-ақ өзге де органдар мен ұйымдармен, азаматтармен өзара іс-қимыл жасайды.
3. Клубтың Ережесі Павлодар ААСК қаулысымен бекітіледі.

 

2. Жас сайлаушылар клубының мақсаты мен міндеттері

 

4. Клубты құрудың мақсаты жастардың назарын сайлау процесінің өзекті мәселелеріне аудару, олардың сайлау белсенділігі мен құқықтық мәдениетін арттыру болып табылады.
5. Клубтың негізгі міндеттері:

1) жас сайлаушылардың сайлау мәдениетін арттырудың тиімді жолдарын айқындау;

2) жастар арасында сайлау құқықтарын түсіндіру бойынша қазіргі заманғы тәсілдерді әзірлеу;

3) жастардың сайлау процесіне қатысуының өзекті мәселелерін қарау;

4) жас сайлаушылардың сайлау процесіне қызығушылығын арттыру.

 

3. Жас сайлаушылар клубының құрамы мен мүшелерінің құқықтары

 

6. Клубтың қатысушылары жас сарапшылар мен ғалымдар, өңірлік жастар ресурстық орталықтарының, коммерциялық емес қоғамдық бірлестіктердің, сондай-ақ мемлекеттік органдардың өкілдері (келісім бойынша) бола алады.
7. Клуб мүшелері Клуб отырыстарының күн тәртібіне енгізілген мәселелерді талқылау кезінде тең құқықтарға ие.
8. Клуб қатысушылары құқылы:

1) Павлодар ААСК төрағасы мен мүшелеріне ұсыныстар жасауға;

2) Клуб қатысушыларының өзге пікірлерімен келіспеген жағдайда өз пікірін баяндауға құқылы, ол Клуб отырысының хаттамасына қоса тіркелуге тиіс.

 

4. Жас сайлаушылар клубының қызметін ұйымдастыру

 

9. Клубтың қызметі әртүрлі форматтағы отырыстар түрінде жүзеге асырылады.
10. Клубтың отырыстарын Павлодар ААСК төрағасы қажеттілікке қарай, бірақ жылына кемінде екі рет шақырады және өткізеді.
11. Клубтың қызметін қамтамасыз етуді, іс қағаздарын жүргізуді және отырыстарды дайындауды ұйымдастыруды жүзеге асыратын жұмыс органы Павлодар ААСК болып табылады.
12. Жұмыс органы:

1) отырыстарды дайындау және өткізу жөніндегі ұйымдастыру жұмысын жүзеге асырады;

2) Клуб қатысушыларын кезекті отырыстың өтетін күні мен күн тәртібі туралы оны өткізгенге дейін бес жұмыс күнінен кешіктірмей хабардар етеді;

3) Клуб отырысы барысында хаттама, оның ішінде аудио-, бейнежазба құралдарын пайдалана отырып жүргізеді.

 

5. Қорытынды ережелер

 

14. Осы Ережеге өзгерістер мен толықтырулар Павлодар ААСК қаулысымен енгізіледі.
15. Клуб қызметі Павлодар ААСК төрағасының шешімімен тоқтатылады.