2022 жылы Павлодар ауданының жергілікті атқарушы органдарымен барлығы 5437 Мемлекеттік қызмет көрсетілді, көрсетілетін қызметті берушінің ақпараттық жүйелері арқылы электрондық түрде көрсетілетін қызметті алушымен тікелей байланыссыз - 3921 Мемлекеттік қызмет көрсетілді.
2022 жылы мемлекеттік қызметтер тізіліміне енгізу үшін "жасырын" мемлекеттік қызметтер анықталған жоқ.
Мемлекеттік қызметтер көрсету сапасын арттыру, "электрондық үкімет" порталы мен оның сервистерін дәріптеу, сондай-ақ электрондық мемлекеттік қызметтер көрсету үлесін арттыру мақсатында Павлодар ауданының әкімдігі мақсатты ақпараттық-түсіндіру жұмыстарын жүргізуде.
Бүгінгі таңда ауданда 17 өзіне-өзі қызмет көрсету бұрышы жұмыс істейді, олар арқылы азаматтар ХҚКО-а-ға бармай-ақ қажетті қызметтерді электронды түрде ала алады.
"Open Akimat" фронт-офистерінің модераторлары азаматтарды жер қатынастары, ауыл шаруашылығы салаларындағы "Е-лицензиялау" порталы арқылы әртүрлі анықтамалар алу бойынша Мемлекеттік қызметтерді өз бетінше алуға оқытуды тұрақты негізде жүргізеді.
Мемлекеттік қызмет көрсету сапасы тұрақты бақылауда.
Бұл бағыттағы жұмыс жалғасатын болады.