2022 жылғы 28 тамызда бір сайлау округі бойынша Павлодар ауданының ауылдық округі әкімінің сайлауы өтті.
Павлодар аудандық аумақтық сайлау комиссиясы «Қазақстан Республикасындағы сайлау туралы» Қазақстан Республикасы Конституциялық Заңының 14-бабының 9) тармақшасына, 44-бабының 2-тармағына, 45-бабына, 113-10-бабына сәйкес Павлодар ауданы Ефремовка ауылдық округінің әкімін сайлау нәтижелері туралы учаскелік сайлау комиссиясының хаттамасы негізінде сайлау қорытындыларын белгіледі:
Сайлау округі бойынша сайлаушылар тізіміне 785 азамат енгізілді, олардың 483 дауыс берді.
Әрбір кандидат үшін берілген дауыстар саны:
Балтабаева С.З. – 28; Досмагамбетов Н.Н. – 42; Резуанов А. К. – 381.
Ефремовка ауылдық округінің әкімі болып Резуанов Асылбек Кабылканович сайланды, 1984 жылы туған, өзін-өзі жұмыспен қамтыған, Павлодар облысының Павлодар қаласында тұрады, «AMANAT» партиясы ұсынған.
Павлодар аудандық аумақтық сайлау комиссиясы Қазақстан Республикасының «Қазақстан Республикасындағы сайлау туралы» Конституциялық Заңының 45-бабына сәйкес 2022 жылғы 31 тамыздағы шешімімен 2022 жылғы 28 тамызда сайланған Павлодар ауданының ауылдық округтерінің және ауылдың әкімдерін тіркеді.
Павлодар аудандық аумақтық сайлау комиссиясы