Прокурорлық қорғаудағы кәсіпкерлердің құқықтары

Ақтоғай ауданының прокуратурасы Ақтоғай ауданының мемлекеттік кірістер басқармасы "Азаматтық бақылау – чекті талап ет" пилоттық жобасын іске асыру кезінде заңдылықтың сақталуына талдау жүргізді.

Жобаның негізгі мақсаты салық заңнамасының сақталуын қамтамасыз ету болып табылады.

Талдау көрсеткендей, 2022 жылы арнайы сайтқа чек берілмегені туралы хабарламалары бар отызға жуық бейнежазба түскен.

Барлығына дерлік әкімшілік хаттамалар жасалды.

Әрине, Салық кодексі талап еткендей, чек беру міндетті болуы керек. Тек чек болған жағдайда ғана тұтынушының құқықтарын жүзеге асыруға болады. Бұл салық төлемдерінен жалтаруға мүмкіндік бермейді.

Алайда, прокурорлар анықтағандай, бұл бұзушылықтарды анықтаумен фискалдық органның өзі, дәлірек айтсақ, оның қызметкерлерінің бірі айналысқан. Ол жасырын түсірілім жүргізді. Кейде тауар аз мөлшерде, соның ішінде жұмыс уақытында өздігінен сатып алынған.

Сонымен қатар, әкімшілік істерді зерделеу арқылы бизнес субъектілерін әкімшілік жауапкершілікке заңсыз тарту фактілері анықталды.

Өз қызметкерінің осындай чекті бермеу хабарламаларының бірін жергілікті салық органы 2022 жылдың қыркүйегінде қарады. Дүкен иесіне әкімшілік жаза қолданылды.

Анықталғандай, әкімшілік заңнаманы бұза отырып, құқық бұзушылық жасау уақыты анықталған жоқ. Хаттаманың өзі он төрт күннен кейін жасалған. Дегенмен де ол дереу құрастырылуы керек еді.

Кәсіпкерге Салық кодексінің чек беру тәртібіне қатысы жоқ бабын бұзу жөнінде қате айтылды.

Жасалған жазба бойынша чектің берілгенін немесе берілмегенін анықтау мүмкін емес. Ал Бақылау-касса машинасын қолдануды бұзу фактілері туралы хабарлаған адамдарды сыйақылаудың әзірленген ережесіне сәйкес мұндай хабарламаны қарау алынып тасталған.

Керісінше, дүкеннен талап етілген бейне сатушының чекті қалай басып шығаратындығын және берілетінін көрсетеді.

Осылайша, іс жүргізу нормаларының елеулі бұзылуына, сондай-ақ әкімшілік іс жүргізуді қозғау үшін жеткілікті негіздердің болмауына байланысты МКБ басшысының қаулысына наразылық келтірілді.

Ақтоғай аудандық сотының шешімімен аудан прокуратурасының наразылығы әкімшілік құқық бұзушылық оқиғасының болмауына байланысты әкімшілік істің тоқтатылуымен қанағаттандырылды.

Сот қаулысына шағым жасалмады және заңды күшіне енді.

Жеке кәсіпкерді заңсыз жауапқа тартуға әкеп соқтырған МКҚ лауазымды адамдарының жіберген бұзушылықтары бойынша Ақтоғай ауданының прокуратурасы тәртіптік өндірісті қозғау туралы қаулы шығарды.

 

Ақтоғай ауданының прокуратурасы