Жоба

 

«Ақтоғай ауданы әкімінің аппараты» мемлекеттік мекемесі туралы Ережені жаңа редакцияда бекіту туралы

Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 31-бабы 2-тармағына, Қазақстан Республикасының «Мемлекеттік мүлік туралы» Заңының 18-бабы 8) тармақшасына, 124-бабына, Қазақстан Республикасы Үкіметінің «Мемлекеттік органдар мен олардың құрылымдық бөлімшелерінің қызметін ұйымдастырудың кейбір мәселелері туралы» 2021 жылғы 1 қыркүйектегі № 590 қаулысына сәйкес, Ақтоғай ауданының әкімдігі ҚАУЛЫ ЕТЕДІ:

1. Қоса беріліп отырған «Ақтоғай ауданы әкімінің аппараты» мемлекеттік мекемесі туралы Ереже жаңа редакцияда бекітілсін.
2. «Ақтоғай ауданы әкімінің аппараты» мемлекеттік мекемесі заңнамамен белгіленген тәртіпте қамтамасыз етсін:

осы қаулыны ресми жариялау және Қазақстан Республикасының нормативтік құқықтық актілер электрондық түрдегі эталондық бақылау банкіне қосу үшін «Қазақстан Республикасының Заңнама және құқықтық ақпарат институты» шаруашылық жүргізу құқығындағы республикалық мемлекеттік кәсіпорынына жолдансын;

осы қаулыны Ақтоғай ауданы әкімдігінің интернет-ресурсында орналастырылсын;

осы қаулыдан туындайтын өзге де қажетті шаралар қолдансын.

3. Мыналардың күші жойылды деп танылсын:

1) Павлодар облысы Ақтоғай ауданының әкімдігінің «Ақтоғай ауданы әкімінің аппараты» мемлекеттік мекемесі туралы Ережені жаңа редакцияда бекіту туралы» 2022 жылғы 26 сәуірдегі № 92 қаулысы;

2) Павлодар облысы Ақтоғай ауданы әкімдігінің «Ақтоғай ауданы әкімдігінің 2022 жылғы 26 сәуірдегі «Ақтоғай ауданы әкімінің аппараты" мемлекеттік мекемесі туралы ережені бекіту туралы» № 92 қаулысына толықтырулар енгізу туралы» 2022 жылғы 1 желтоқсандағы № 348 қаулысы.

4. Осы қаулының орындалуын бақылау Ақтоғай ауданы әкімінің аппарат басшысына жүктелсін.

5. Осы қаулы оның алғашқы ресми жарияланған күнінен бастап қолданысқа енгізіледі.

 

Лауазымы

Аты-жөні

 

 

 

 

 

 

 

 

 

 

 

 

 

 

 

Дата публикации

06 февраля 2024