8 Наурыз – Халықаралық әйелдер күні қарсаңында Сәбит Дөнентаев атындағы қалалық Мәдениет сарайында салтанатты шара өтті.

Марапаттау рәсімі барысында Ақсу өңірінің дамуына қосқан үлесі үшін қаламыздың аруларына құрмет грамоталары мен алғыс хаттар табысталды.

Марапаттау рәсімінен кейін қалалық Мәдениет сарайының әртістері мен Ақсу шығармашылық ұжымдарының концерті өтті.

Құрметті аналар, аяулы арулар!

Сіздерді келе жатқан көктемнің ең шуақты мерекесі – 8 Наурызбен шын жүректен құттықтаймыз!

Сіздерге зор денсаулық, отбасыңызға амандық, шексіз бақыт тілеймін. Өмірлеріңіз қуаныш пен махаббатқа толы болсын!