2022 жылғы 26 тамызда Ақсу қалалық аумақтық сайлау комиссиясының төрағасы С.Т. Жақыпов Қызылжар ауылдық округі әкімін сайлау бойынша № 495, 500 учаскелік комиссия мүшелерімен семинар-оқыту өткізді. Семинарда учаскелік сайлау комиссиясының дауыс беру күнінің алдындағы күнгі жұмысы, сайлау күні дауыс беруді ұйымдастыру, учаскелік сайлау комиссиясының дауыстарды санау және дауыс беру нәтижелерін анықтау кезіндегі іс-қимыл тәртібі мәселелері қаралды. Сайлау учаскесін жарақтандыру, сайлаушылардың дауыс беруге арналған бюллетеньді алу алгоритмі, сайлау үшін үй-жайдан тыс жерде дауыс беруді ұйымдастыру туралы мәселелер егжей-тегжейлі қаралды.
Серік Тұрсынханұлы учаскелік сайлау комиссиялары мүшелерінің сұрақтарына жауап берді. Ол учаскелік комиссиялардың төрағалары мен мүшелеріне ризашылығын білдірді.