2022 жылғы 22 тамызда Ақсу қалалық аумақтық сайлау комиссиясының төрағасы Қызылжар ауылдық округі әкімін сайлау бойынша № 495, 500 учаскелік комиссия мүшелерімен семинар-кеңес өткізді. Семинарда учаскелік сайлау комиссиясының дауыс беру күнінің алдындағы күнгі жұмысы, сайлау күні дауыс беруді ұйымдастыру, учаскелік сайлау комиссиясының дауыстарды санау және дауыс беру нәтижелерін анықтау кезіндегі іс-қимыл тәртібі мәселелері қаралды. Сайлау учаскесін жарақтандыру, сайлаушылардың дауыс беруге арналған бюллетеньді алу алгоритмі, сайлау үшін үй-жайдан тыс жерде дауыс беруді ұйымдастыру туралы мәселелер егжей-тегжейлі қаралды.
Кеңеске қала әкімі аппаратының басшысы Р.Б. Мұқанов, Қаржы-шаруашылық қамтамасыз ету бөлімінің басшысы С.Т. Киреев, ТЖ бөлімі бастығының орынбасары К.С. Түсіпбаев, полиция бөлімі ЖПҚ бастығының міндетін атқарушы К.С. Баймбет, Қызылжар ауылдық округі әкімінің міндетің атқарушы Б.Ж. Қасымхан, тұрғын үй-коммуналдық шаруашылық бөлімі басшысының міндетің атқарушы Б.К. Азаматов қатысты., Ақсу қаласының "Қазақтелеком" жетекші инженері Д.З. Хайргельдин учаскелік сайлау комиссиялары мүшелерінің сұрақтарына жауап берді. Жалпы семинар іскерлік, жұмыс атмосферасында өтті.