Павлодар облысы санитариялық-эпидемиологиялық бақылау департаменті хабарлайды
Қазақстан Республикасының тұрғындары арасында COVID-19 коронавирустық инфекциясының таралуының алдын алу мақсатында, Қазақстан Республикасының Бас мемлекеттік санитариялық дәрігерінің 2021 жылғы 3 маусымдағы "Кәсіпкерлік объектілерінде «Ashyq» жобасын енгізу туралы" № 26 Қаулысына сәйкес, толымдылығын 30%-дан асырмай, бір адамға 4 шаршы метрден кем емес орын қамтамасыз етілгенде, бірақ 50 адамнан асырмаған жағдайда еске алу шаралары үшін банкет залдарының қызметіне рұқсат етіледі.
Осыған қарамастан, облыста 50-ден астам адам қатысатын еске алу шаралары өтуде, бұл тұрғындар арасында коронавирустық инфекцияның таралуына және аймақтағы эпидемиологиялық жағдайдың нашарлауына себеп болуы мүмкін.
Меншік түріне қарамастан барлық жеке және заңды тұлғалар үшін осы талаптарды орындау міндетті болып саналады.
Заң бұзушылықтар анықталса, құзыреті мен Қазақстан Республикасының қолданыстағы заңнамасы шегінде жедел шаралар қабылданады.
Жоғарыда жазылғандардың негізінде, халықтың денсаулығын қорғау және тұрғындар арасында COVID-19 коронавирустық инфекциясының таралуына жол бермеу мақсатында, Сіздерден азаматтық сана-сезімді танытып, қолданыстағы шектеу іс-шараларын ұстануды сұраймыз.