Ақсу қаласының жекелеген санаттағы азаматтарының қоғамдық жолаушылар көлігінде (таксиден басқа) жеңілдікпен жол жүруі туралы

Жоба

 

Ақсу қаласының жекелеген санаттағы азаматтарының қоғамдық

жолаушылар көлігінде (таксиден басқа) жеңілдікпен жол жүруі туралы

 

 

Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6-бабы 1-тармағының 15) тармақшасына, 31-бабының       2-тармағына, Қазақстан Республикасының 1994 жылғы 21 қыркүйектегі «Қазақстан Республикасындағы көлік туралы» Заңының 13-бабына сәйкес, Ақсу қаласының әкімдігі ҚАУЛЫ ЕТТІ және Ақсу қалалық мәслихаты ШЕШІМ ҚАБЫЛДАДЫ:

1. Ақсу қаласының мынадай санаттар қатарындағы азаматтарына жеңілдік құқығын растайтын құжаты және электронды пластик карталары бар болған жағдайда, №№ 1,2,3,4,4У,5,6,7,10,11, «Проходная» және «Беловка» тұрақты қалалық маршруттары бойынша қоғамдық жолаушылар көлігінде (таксиден басқа) тегін жол жүру белгіленсін:

• Ұлы Отан соғысының (бұдан әрі- ҰОС) қатысушылары мен мүгедектері, сондай-ақ, жеңілдіктер бойынша ҰОС қатысушылары мен мүгедектеріне теңестірілген адамдар;

2)      басқа мемлекеттердің аумағындағы ұрыс қимылдарының ардагерлері;

3)       бейбiт уақытта әскери қызметiн өткеру кезiнде қаза тапқан (қайтыс болған) әскери қызметшiлердiң отбасылары;  

4)      I топтағы мүгедектер, соның ішінде көруі бойынша, жол жүру сәтінде мүгедекті алып жүретін тұлғаларға;

5)      жетім және ата-анасының қамқорынсыз қалған балалар, сондай-ақ, 7 жастан 18 жасқа дейінгі көп балалы және аз қамтылған отбасылардан шыққан балалар;

6)      18 жасқа дейінгі төрт және одан да көп (соның ішінде студенттер) балалары бар, сондай-ақ, «Алтын алқа» және «Күміс алқа» алқаларымен  марапатталған немесе бұрын «Батыр ана» атағына ие болған, сондай-ақ, I және II дәрежелі  «Ана даңқы» ордендерімен марапатталған көп балалы аналар.

2. Ақсу қаласының мынадай санаттар қатарындағы азаматтарына жеңілдік құқығын растайтын құжаты және электронды пластик карталары бар болған жағдайда, толық жол жүру билеті құнынан 50% мөлшерінде №1,2,3,4,4У,5,6,7,10,11, «Проходная» және «Беловка» тұрақты қалалық маршруттары бойынша қоғамдық жолаушылар көлігінде (таксиден басқа) жеңілдікпен жол жүру белгіленсін:

1) жасына байланысты зейнеткерлер;

2) Ақсу қаласының құрметті азаматтары;

3) II топтағы мүгедектер;

4) әлеуметтік маңызы бар аурулармен ауыратын (есепте тұрған) адамдар;

5) 7-ден 18 жасқа дейінгі балалар, оның ішінде 1 -11 сынып оқушылары мен колледждердің 1 және 2 курс студенттері;

3. Қаржыландыру көзі болып Ақсу қаласының бюджеті белгіленсін.
4. Ақсу қаласы әкімдігінің 2016 жылғы 26 желтоқсандағы № 1038/11 және Ақсу қалалық мәслихатының 2016 жылғы 26 желтоқсандағы № 74/10 «Ақсу қаласының жекелеген санаттағы азаматтарының қоғамдық жолаушылар көлігінде (таксиден басқа) жеңілдікпен жол жүруі туралы» бірлескен қаулысы мен шешімінің (Нормативтік құқықтық актілерді мемлекеттік тіркеу тізілімінде № 5357 болып тіркелген, 2017 жылғы 10 ақпанда «Ақсу жолы» және «Новый путь» газеттерінде жарияланған) күші жойылды деп танылсын.
5. Осы бірлескен қаулының және шешімнің орындалуын бақылау Ақсу қалалық мәслихатының экономика және бюджет мәселелері жөніндегі тұрақты комиссиясына және Ақсу қаласы әкімінің жетекшілік ететін орынбасары М.Ж. Абулқалыковқа жүктелсін.
6. Осы бірлескен қаулы және шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.

 

 

Қала әкімі   Б. Ибраев

Сессия төрағасы    М. Мукашев

Қалалық мәслихатының хатшысы

М. Омарғалиев