Ақсу қаласының аумағында жолаушылар мен багажды қалалық қатынастарда автомобильмен тұрақты тасымалдауға сараланған тарифті белгілеу туралы

Жоба

 

Ақсу қаласының аумағында жолаушылар мен багажды қалалық

қатынастарда автомобильмен тұрақты тасымалдауға

сараланған тарифті белгілеу туралы

 

        Қазақстан Республикасының 2001 жылғы 23 қаңтардағы «Қазақстан Республикасында жергілікті мемлекеттік басқару және өзін-өзі басқару туралы» заңының 31-бабынын 2-тармағына, Қазақстан Республикасының 2003 жылғы 4 шілдедегі «Автомобиль көлігі туралы» заңының 19-бабына, Қазақстан Республикасының 2016 жылғы 6 сәуірдегі «Құқықтық актілер туралы» Заңының 46-бабы  2-тармағының 4) тармақшасына сәйкес, ақша қаражатының көлеңкелі айналымын болдырмау және жолаушылар тарапынан Ақсу қаласының қоғамдық көлігінде қолма-қол ақшасыз жолақысын төлеу әдісінің тартымдылығын арттыруды қамтамасыз ету мақсатында, қала әкімдігі ҚАУЛЫ ЕТЕДІ:

1. Ақсу қаласының аумағында жолаушылар мен багажды қалалық қатынастарда автомобильмен тұрақты тасымалдауға арналған сараланатын тариф мынадай мөлшерде белгіленсін:

      1) жолақысы үшін қолма-қол ақшасыз төлеу кезінде ұялы байланыс қызметі арқылы не болмаса электронды жолақы картасы арқылы:

        ересектер – 80 (сексен) теңге мөлшерінде;

        жеті жастан он сегіз жасқа дейінгі балалар – 40 (қырық) теңге мөлшерінде.

      2) жолақысы үшін қолма-қол ақшамен төлеу кезінде:

        ересектер – 150 (жүз елу) теңге мөлшерінде;

        жеті жастан он сегіз жасқа дейінгі балалар – 70 (жетпіс) теңге мөлшерінде.

2. Жолақысы үшін электронды төлем жүйесі бұзылған жағдайда, электронды жолақы картасы арқылы төлем жүргізетін жолаушылардың қолма-қол ақшамен жолақысын төлеуге құқығы бар:

        ересектер – 80 (сексен) теңге мөлшерінде;

        жеті жастан он сегіз жасқа дейінгі балалар – 40 (қырық) теңге мөлшерінде.

3. Ақсу қаласы әкімдігінің 2018 жылғы 27 ақпандағы «Ақсу қаласында жолаушылар мен багажды автомобильмен тұрақты тасымалдауға арналған тарифті белгілеу туралы» №93/3 (Нормативтік құқықтық актілерді мемлекеттік тіркеу тізілімінде № 5919 болып тіркелген, 2018 жылғы 26 наурызда Қазақстан Республикасы нормативтік құқықтық актілерінің эталондық бақылау банкінде жарияланған) қаулысының күші жойылды деп танылсын.
4. Осы қаулының орындалуын бақылау Ақсу қаласы әкімінің орынбасары М.Ж.Абулкалыковқа жүктелсін.
5. Осы қаулы оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.

 

 

          Қала әкімі                                                                  Б. Ыбыраев

 

          «КЕЛІСІЛДІ»

          Ақсу қалалық

мәслихатының хатшысы                                      

 М. Омарғалиев___________

2020 жылғы «___»_________