Менингит — ми мен жұлынды қоршап тұрған қабықтардың қабынуы. Ауруды вирустар, бактериялар және басқа да инфекциялық қоздырғыштар тудыруы мүмкін.
Кейбір қоздырғыштар адамнан адамға жөтелу, түшкіру, жақын қарым-қатынас және тыныс жолдарының бөлінділері арқылы жұғады.
Менингиттің негізгі белгілері:
-дене қызуының күрт көтерілуі;
-қатты бас ауруы;
-жүрек айнуы, құсу;
-мойынның құрысуы, желкенің сіресуі;
-жарыққа сезімталдық;
-әлсіздік, ұйқышылдық;
-кей жағдайда теріде бөртпенің пайда болуы.
Менингит тез өршуі және ауыр асқынуларға әкелуі мүмкін. Сондықтан жоғарыда аталған белгілер байқалса, уақыт жоғалтпай медициналық көмекке жүгіну өте маңызды.
Алдын алу жолдары:
қолды сабынмен жиі жуу;
жеке гигиена ережелерін сақтау;
науқас адаммен тығыз қарым-қатынастан аулақ болу;
бөлмені жиі желдету;
дәрігердің ұсынысы бойынша вакцинациядан өту.
Өз денсаулығыңызға және жақындарыңыздың денсаулығына жауапкершілікпен қараңыз!
Менингит — уақытты жоғалтуды көтермейтін ауру.
Ақсу қ. СЭББ бас маман И.А. Калёнова