14 жасқа дейінгі балаларға арналған ойыншықтар Кеден одағының ТР ТС 008/2011 «Ойыншықтардың қауіпсіздігі туралы» техникалық регламентінің талаптарына сәйкес болуы тиіс.
Сатып алу кезінде таңбалануына назар аударыңыз. Таңбалауда мынадай мәліметтер болуы қажет:
* ойыншықтың атауы;
* өндіруші және шығарылған ел туралы мәліметтер;
* ойыншық арналған баланың ең төменгі жасы;
* дайындалған күні, жарамдылық мерзімі (бар болған жағдайда);
* Еуразиялық экономикалық одақтың бірыңғай айналым белгісі (ЕАС);
* пайдалану жөніндегі нұсқаулық және ескерту ақпараты (қажет болған жағдайда).
Таңбалау және ойыншықпен бірге берілетін құжаттама мемлекеттік және орыс тілдерінде болуы тиіс.
Ойыншық қауіпсіз болуы керек:
* өткір химиялық иісі болмауы;
* сілекей мен тердің әсеріне төзімді берік қорғаныш жабыны болуы;
* баланың жарақаттануына немесе тұншығуына әкелуі мүмкін өткір жиектері, қауіпті шығыңқы бөліктері, ұсақ бөлшектері болмауы;
* қауіпсіз қаптамамен қамтамасыз етілуі тиіс.
Ұсынамыз: ойыншықты сатып алар алдында оны мұқият қарап шығыңыз, таңбалануының болуын тексеріңіз және сатушыдан өнімнің техникалық регламент талаптарына сәйкестігін растайтын сәйкестік сертификатын талап етіңіз.
Ақсу қ. СЭББ жетекші маман Я.М.Умербекова