Адам папилломасы вирусының (АПВ) алдын алу

Адам папилломасы вирусы (АПВ) — құрамына шамамен 200 вирус түрі кіретін вирустар тобы. Олардың кейбіреулері денсаулыққа айтарлықтай қауіп төндірмейді, алайда кейбір түрлері онкологиялық аурулардың дамуына себеп болуы мүмкін.

АПВ-ның алдын алудың ең тиімді әдісі — жыныстық өмір басталғанға дейін жасөспірім кезеңде вакцинация жүргізу.

АПВ-ға қарсы вакцинация туралы маңызды ақпарат:

1. Вакцина АПВ-ның ең қауіпті түрлерінен қорғайды.
2. Қыздарға да, ұлдарға да ұсынылады.
3. Вакцинация үшін оңтайлы жас — 9–14 жас.
4. Вакцинация жыныстық өмір басталғанға дейін жүргізілген жағдайда тиімділігі жоғары болады.
5. Вакцина репродуктивті функцияға әсер етпейді.
6. Вакцинация жыныстық өмірді ерте бастауға ықпал етпейді.
7. АПВ-ға қарсы вакцина қауіпсіз деп танылған және әлемнің көптеген елдерінде қолданылады.

Қазақстан Республикасының ұлттық егу күнтізбесіне сәйкес вакцинацияның толық курсы 6 ай аралықпен енгізілетін екі дозадан тұрады. АПВ-ға қарсы вакцинация 11 жастағы қыздарға жүргізіледі, екінші доза 11,5 жаста ата-анасының немесе заңды өкілінің ақпараттандырылған келісімімен енгізіледі.

Қосымша профилактикалық шараларға тұрақты медициналық тексерулерден өту, ата-аналардың балалармен денсаулық туралы сенімді қарым-қатынас орнатуы, өз денсаулығына жауапкершілікпен қарау және бөгеттік қорғаныс құралдарын пайдалану жатады.

Ең бастысы — АПВ-ның алдын алу оның салдарын емдеуден тиімдірек.

Ақсу қ. СЭББ бас маман И.А. Калёнова