Вирустық В және С гепатиттері халықтың санитариялық-эпидемиологиялық саламаттылығы саласындағы өзекті мәселелердің бірі болып қала береді. Қарастырылып отырған кезеңде созылмалы вирустық гепатиттің 8 жағдайы, оның ішінде В гепатитінің 3 жағдайы және С гепатитінің 5 жағдайы тіркелді.
Алдын алудың негізгі шаралары — науқастарды уақтылы анықтау, байланыста болған адамдарды тексеру, медициналық және косметологиялық процедуралар кезінде инфекциялық қауіпсіздік қағидаларын сақтау, жеке бас гигиенасы заттарын жеке пайдалану және қауіпсіз жыныстық мінез-құлық.
Вирустық В гепатитінің алдын алуда вакцинацияның маңызы зор, өйткені ол инфекциядан қорғаудың тиімді әдісі болып табылады. С гепатитіне қарсы вакцина жоқ, сондықтан жұқтырған қанмен байланысқа жол бермеу, тұрақты түрде тексеруден өту және ауруды уақтылы емдеу маңызды.
Алдын алу шараларын сақтау, ерте диагностика жүргізу және өз денсаулығына жауапкершілікпен қарау — вирустық гепатиттердің таралуын болдырмаудың негізгі кепілі.
Ақсу қ. СЭББ бөлім басшысы К.Е. Сагитова