Ақсу қаласында қарттар мен мүгедектігі бар адамдарға арналған Ақсу арнайы әлеуметтік қызмет көрсету орталығының нысанында өрт-тактикалық оқу-жаттығу (ӨТЖ) өткізілді.
Оқу-жаттығудың мақсаты – өрт туындаған жағдайда бөлімшелердің іс-қимылға дайындығын арттыру және адамдарды құтқару дағдыларын жетілдіру.
Оқу-жаттығу барысында екінші қабаттағы акт залында өрттің шығуы туралы шартты сценарий пысықталды. Өрттің салдарынан жалынның таралуы мен түтін басу қаупі туындап, адамдарды уақтылы эвакуациялау қажеттілігі қарастырылды.
Негізгі назар барлау жүргізуге, өрт ошағын анықтауға, шартты өртті сөндіруді ұйымдастыруға және ғимараттағы адамдарды құтқаруға аударылды.
Оқу-жаттығу қорытындысы бойынша жеке құрамның іс-қимылының үйлесімділігі, техника мен жабдықтардың дайындығы, сондай-ақ барлық тартылған қызметтердің өзара іс-қимылы бағаланды.
Мұндай өрт-тактикалық оқу-жаттығулар құтқарушылардың кәсіби дайындығын арттыруға және адамдар жаппай әрі тәулік бойы болатын нысандардағы төтенше жағдайларға ден қою дайындығын жетілдіруге мүмкіндік береді.
Ақсу қаласының ТЖБ инженері а/қ лейтенанты Тапалов А.Б.