2026 жылғы 28 тамызда Ақсу қаласының Төтенше жағдайлар бөлімі қызметкерлері С. Дөнентаев атындағы Мәдениет сарайының және ауылдық округтердегі мәдениет үйлерінің қызметкерлеріне өрт қауіпсіздігі талаптарын сақтау бойынша нұсқама өткізді.
Іс-шара барысында қызметкерлерге өрт туындаған кездегі іс-қимыл тәртібі, адамдарды эвакуациялау жолдары және алғашқы өрт сөндіру құралдарын дұрыс пайдалану тәртібі түсіндірілді.
Бұқаралық іс-шараларды өткізу кезінде өрт қауіпсіздігі талаптарын сақтау, эвакуациялық шығу жолдарының жарамдылығын қамтамасыз ету және эвакуация жолдарының бөгелмеуіне ерекше назар аударылды.
Сонымен қатар алдағы жылыту маусымына дайындық мәселелері қаралды. Атап айтқанда, пешпен жылыту жүйелерін қауіпсіз пайдалану, пештерді шамадан тыс қыздырмау, сондай-ақ электр жабдықтары мен электр сымдарын пайдалану кезінде қауіпсіздік талаптарын сақтау жөнінде түсіндіру жұмыстары жүргізілді.
Іс-шара соңында ТЖБ қызметкерлері қойылған сұрақтарға жауап беріп, өрт қауіпсіздігі талаптарын қатаң сақтауға шақырды.
Өрт қауіпсіздігі талаптарын сақтау – адамдардың өмірі мен ден
Ақсу қаласының ТЖБ инженері а/қ лейтенанты Тапалов А.Б.