Өрт қауіпсіздігі айлығы: жылыту маусымына дайын болыңыз!

Жылыту маусымының басталуымен жеке тұрғын үйлерде өрт шығу қаупі артады.

Төтенше жағдайлар бөлімінің қызметкерлері профилактикалық іс-шаралар жүргізіп, тұрғындарға өрт қауіпсіздігі талаптарын сақтау және пешпен жылыту жүйесінің жарамдылығын алдын ала тексеру қажеттігін ескертеді.

Жылыту маусымы алдында:

• пеш пен түтін мұржасының жарамдылығын тексеріңіз;
• түтін мұржасын күйеден тазалаңыз;
• пештің алдындағы металл төсемнің болуын және жарамдылығын тексеріңіз;
• жанып тұрған пешті қараусыз қалдырмаңыз;
• пешті жағу үшін тез тұтанатын сұйықтықтарды пайдаланбаңыз;
• пештің шамадан тыс қызуына жол бермеңіз.

Есіңізде болсын: өрт қауіпсіздігі талаптарын сақтау адам өмірі мен денсаулығын, сондай-ақ мүлікті қорғауға көмектеседі.

Өрт болған жағдайда дереу 101 немесе 112 нөміріне хабарласыңыз.                      

Ақсу қаласының ТЖБ инженері а/қ лейтенанты Тапалов А.Б.