Жыл сайын энтеровирустық инфекциямен (ЭВИ) балалар мен ересектердің ауру жағдайлары тіркеледі. Көп жағдайда ауру жеңіл түрде өтсе де, кейбір жағдайларда ол ауыр асқынуларға әкелуі мүмкін. Сондықтан вирустың қалай таралатынын және жұқтыру қаупін қалай азайтуға болатынын білу маңызды.
Энтеровирустық инфекция – балалар мен ересектерге ортақ таралған вирустық ауру. Ол клиникалық белгілерінің алуан түрлілігімен ерекшеленеді: жеңіл жайсыздықтан бастап ауыр түрлеріне дейін.
ЭВИ белгілеріне мыналар кіруі мүмкін: дене қызуының көтерілуі (қызба), тамақ ауруы, бас және бұлшықет ауыруы, жүрек айнуы, құсу, кейбір жағдайларда бөртпе пайда болуы.
Инфекция көзі – науқас адам немесе ауру белгісі байқалмайтын тасымалдаушы. Жұқтыру жолдары әртүрлі:
Су арқылы – қайнатылмаған су немесе одан дайындалған мұз арқылы;
Азық-түлік арқылы – жеткілікті жуылмаған көкөніс, жеміс-жидек, көк шөп арқылы;
Тұрмыстық-қатынас арқылы – лас қол, ойыншық, ыдыс-аяқ және басқа да заттар арқылы;
Ауа-тамшылы жолмен – жөтелгенде немесе түшкіргенде.
Қазіргі таңда энтеровирустық инфекцияға қарсы вакцина жоқ. Сондықтан аурудың алдын алудағы басты рөл – вирустың таралу тізбегін үзуге бағытталған профилактика шараларына тиесілі.
Ақсу қалалық санитариялық-эпидемиологиялық бақылау басқармасы қарапайым, бірақ тиімді ережелерді еске салады:
көшеден, әжетханадан кейін және тамақ ішер алдында қолды сабындап жуу;
лас қолмен бетті ұстаудан аулақ болу;
тек қайнаған немесе бөтелкедегі суды ішу;
тағам өнімдерін талапқа сай температурада сақтау;
жеміс-жидек пен көкөністі мұқият жуу;
науқас адамдармен жақын байланыстан аулақ болу;
тек тексерілген және қауіпсіз су айдындарында немесе бассейндерде шомылу.
Энтеровирустық инфекция – ешкім сақтанбаған ауру, бірақ жеке гигиена талаптарын орындап, өз денсаулығыңызға мұқият қарасаңыз, жұқтыру қаупін едәуір азайтуға болады.
Ақсу қ. СЭББ бас маманы И.А. Калёнова