Қазіргі мектеп оқушылары партада және экран алдында көп уақыт өткізеді, бұл Сколиоз және көру қабілетінің нашарлауы сияқты денсаулық мәселелерінің даму қаупін арттырады. Сондықтан бұл бұзылыстардың алдын алу өте маңызды.
Дене қалпының бұзылуының негізгі себептері — оқушы жиһазының балалардың бойына сәйкес келмеуі, ұзақ уақыт бір қалыпта отыру, партада дұрыс отырмау және дене белсенділігінің жеткіліксіздігі. Осыған байланысты білім беру ұйымдарында жиһазды дұрыс таңдау, жұмыс орындарын эргономикалық ұйымдастыру және оқушылардың дұрыс отыруын тұрақты бақылау ерекше назарда болуы тиіс.
Дұрыс дене қалпы бала кезден қалыптасады. Бала орындықтың арқалығына сүйеніп, тік отыруы керек, ал аяқтары еденге толық тірелуі қажет. Үстел мен орындықтың биіктігі баланың бойына сәйкес болуы маңызды. Сабақ кезінде үнемі үзіліс жасап, қарапайым жаттығулар орындау омыртқаға түсетін жүктемені азайтады.
Көру қабілетін сақтау да өте маңызды. Жұмыс орнының жарығы жеткілікті болуы керек, ал кітап немесе экранға дейінгі қашықтық кемінде 30–40 см болуы тиіс. Әр 20–30 минут сайын үзіліс жасап, көзге арналған жаттығулар орындау пайдалы.
Дене белсенділігі, таза ауада серуендеу және дұрыс тамақтану баланың жалпы денсаулығын нығайтады. Ата-аналар мен мұғалімдердің осы қарапайым шараларға көңіл бөлуі мектеп оқушыларының денсаулығын ұзақ жылдар бойы сақтауға көмектеседі.
Ақсу қ. СЭББ бас маманы Е.Н. Гулина