Жаз мезгілінде ерте пісетін жидектерді тұтынғанда қауіпсіздік шараларын сақтау маңызды. Дұрыс сақталмаған немесе құрамында нитраты көп жидектер тағамдық улануға себеп болуы мүмкін.
Өзіңізді және отбасыңызды қалай қорғауға болады?
-Жидектерді тек рұқсат етілген сауда орындарынан сатып алыңыз.
-Жол бойында сатылатын өнімдерді алмаңыз.
-Өнімнің сыртқы түріне назар аударыңыз.
-Тым ірі, табиғи емес ашық түсті немесе иісі жоқ жидектерде нитрат мөлшері жоғары болуы мүмкін.
-Жидектерді мұқият жуыңыз.
-Тұтынар алдында ағын сумен жақсылап шайып, қайнаған сумен бір рет шайған дұрыс.
-Ұзақ сақтамаңыз.
-Жаңа жидектер бөлме температурасында тез бұзылады.
-Балаларға жуылмаған жидек бермеңіз.
Балалардың ағзасы ішек инфекциялары мен нитраттарға сезімтал келеді.
Бұзылған жидектерді пайдаланбаңыз.
Қышқыл иіс, көгеру немесе ашу белгілері болса — тұтынуға болмайды.
Тағамдық уланудың белгілері:
жүрек айну, құсу, іштің ауыруы, іш өту, әлсіздік, дене қызуының көтерілуі.
Белгілер пайда болған жағдайда міндетті түрде дәрігерге қаралыңыз.
Денсаулығыңызды сақтаңыз — қауіпсіз өнім таңдаңыз!
Ақсу қ. СЭББ бас маманы Е.Н. Гулина