Конго-Қырым геморрагиялық қызбасы (КҚГҚ)

Бұл аса қауіпті жұқпалы ауру. КҚГҚ-ға қарсы вакцина жоқ!

Конго-Қырым геморрагиялық қызбасы қалай жұғады?

• жұқтырылған кененің шағуы арқылы;
• кенені қолмен жаншып тастағанда;
• малды сою және оны бөлшектеу кезінде;
• науқас адамның қаны немесе басқа биологиялық сұйықтықтарымен тікелей байланыста болғанда.

Конго-Қырым геморрагиялық қызбасының белгілері:

• дене қызуының жоғарылауы;
• бас ауруы;
• буындар мен бел аймағындағы ауырсыну;
• қызыл иек пен мұрыннан көп қан кету, теріде қанды дақтардың пайда болуы.

КҚГҚ-ның алдын алу:

— серуен кезінде әр 2–3 сағат сайын денені тексеру;

— қолдың білегін және аяқтың сирағын толық жабатын киім кию;

— кенелерді үркітетін репеллент-аэрозольдерді қолдану;

— кенелерді жоятын акарицидтік аэрозольдерді қолдану;

— кенені алу кезінде міндетті түрде қолғап кию;

— малды сою және күту кезінде қолғап және басқа да қорғаныш құралдарын пайдалану.

Маңызды! Егер сізді кене шақса, міндетті түрде кез келген медициналық мекемеге хабарласыңыз.

Ақсу қ. СЭББ бас маманы И.А. Калёнова