Кене энцефалиті — орталық жүйке жүйесін зақымдайтын вирустық жұқпалы ауру. Ауру ауыр түрде өтіп, мүгедектікке және өлімге әкелуі мүмкін. Қоздырғышы — кене энцефалиті вирусы.
Инфекцияның негізгі берілу жолы — жұқтырылған кененің шағуы, сондай-ақ жұқтырылған кенемен жанасқанда терідегі микрожарақаттар арқылы жұғуы мүмкін.
Кенелердің белсенділік маусымы табиғи-климаттық жағдайларға байланысты: оңтүстік өңірлерде — наурыздан маусымға дейін, ал шығыс және солтүстік өңірлерде — тамызға дейін.
Кене энцефалитін жұқтырудың алдын алу үшін мыналар ұсынылады:
Вакцина алу — ең сенімді қорғаныс тәсілі. Қазақстанда жыл сайын табиғи ошақтарда жұмыс істейтін қауіп тобына жататын адамдарға иммундау жүргізіледі.
Қорғаныш киім кию: жабық, ашық түсті (кенені оңай байқау үшін), ұзын жеңді, шалбар балағын аяқ киімнің ішіне салып кию.
Репелленттерді (жәндіктерге қарсы құралдарды) теріге және киімге жағу.
Биік шөп пен бұталардан аулақ болу, орманда серуендеу кезінде соқпақ жолмен жүру.
Табиғатта болғаннан кейін денені және киімді мұқият тексеру, әсіресе тері қатпарларын, шашты, құлақтың арт жағын қарау.
Кене шаққан жағдайда дереу медициналық мекемеге жүгіну қажет. Зардап шеккендерге кене энцефалитіне қарсы иммуноглобулинмен шұғыл профилактика жүргізіледі, ол әсіресе кене шаққаннан кейінгі алғашқы 3 тәулікте тиімді.
Ақсу қ. СЭББ бас маманы И.А. Калёнова