РКШОЖ-«ӨРТ-2025».
Ақсу қаласында “ӨРТ-2025” республикалық командалық-штабтық оқу-жаттығулары өтті
Өрттің алдын алу мақсатында Евгеньевка ауылындағы орманды-дала аумағында тактикалық-арнайы оқу-жаттығулар ұйымдастырылып, өткізілді.
Оқу-жаттығуларға Ақсу қаласының ТЖ бөлімі, жергілікті атқарушы органдар, ерікті өртке қарсы құрылымдар, Павлодар орман және жануарлар дүниесін қорғау мекемесінің қызметкерлері мен Евгеньевка ауылының шаруа қожалықтары жұмылдырылды.
Оқу-жаттығу жоспары бойынша орманды-дала алқабында бес бірдей ошақта шартты өрт шықты, жалынның орман шаруашылығы аумағына таралу қаупі туындады. Бірнеше минут ішінде барлық қызметтер кезең-кезеңімен өртті сөндіру жұмыстарына кірісті. Ранцтық өрт сөндіргіштер, өрт сөндіру сыпырғыштары, жел үрлегіштер қолданылып, өрттің таралуын болдырмау үшін периметр бойынша жырту жұмыстары жүргізілді.
Барлық қызметтердің үйлесімді іс-әрекетінің арқасында шартты өрт сөндірілді.
Оқу-жаттығу қорытындысы бойынша өзен аңғары мен дала алқаптарында табиғи өрттердің алдын алу мәселелері талқыланды.
Ақсу қаласының ТЖБ