Өрт қауіпсіздігі ережелерінің сақталуын бақылауға бағытталған профилактикалық рейд!
2025 жылғы 13 сәуірде өрт қауіпті кезеңде өрттің алдын алу және оны болдырмау мақсатында Ақсу қаласының ТЖБ қызметкерлері ИП «Идрисова» және «Энергетик» бақша серіктестіктерінің аумағында өрт қауіпсіздігі ережелерінің сақталуын бақылауға бағытталған профилактикалық рейд өткізді. Рейд барысында қызметкерлер бау-бақша иелеріне құрғақ шөп пен қоқысты өртеуге жол берілмейтіні туралы ескертті. Азаматтарға өрт қауіпсіздігінің негізгі ережелері көрсетілген жадынамалар таратылып, түсіндіру жұмыстары жүргізілді. Атқарылған түсіндіру жұмыстарына қарамастан, рейд барысында құрғақ шөпті өртеген бір азамат анықталды. Оқиға орнында әкімшілік хаттама толтырылды. Өрттердің алдын алу және азаматтардың қауіпсіздігін қамтамасыз ету мақсатында профилактикалық шаралар алдағы уақытта да жалғасатын болады.
Ақсу қаласының ТЖБ