Вирусты гепатит
Вирусты гепатит – 5 гепатит вирусының бірі тудыратын бауырдың қабынуы. A, B, C, D және E. Бұл вирустардың барлығы әртүрлі жолдармен беріледі: гепатит А және Е — ластанған тамақ және су арқылы; гепатит В — қауіпті қан және басқа дене сұйықтықтары; гепатит С — негізінен ластанған қан арқылы және гепатит D — В гепатиті болған кезде қосымша инфекция ретінде.
Бұл вирустардың барлығы жедел гепатитті тудырады және шаршаумен, тәбеттің төмендеуімен, дене қызуының көтерілуімен және сарғаюымен сипатталады. Көптеген адамдар толығымен қалпына келеді, бірақ аздаған адамдарда жедел гепатит өлімге әкелуі мүмкін. Сонымен қатар, В және С гепатиті инфекциялары созылмалы түрге ауысуы және цирроз мен бауыр ісігінің дамуына әкелуі мүмкін.
Вирусты гепатиттің алдын алуы
Вирустық гепатит А. Вирус қоршаған ортаға негізінен нәжіс арқылы енеді, инфекцияның негізгі жолы – фекальды-ауызша, сондықтан ВГА «кір қол ауруы» деп аталады. Аурудың маусымдылығы күз-қыс айлары.
Негізгі профилактика – негізгі гигиеналық ережелерді сақтау (қолды сабынмен, көкөністер мен жемістерді мұқият жуу, тек қайнаған суды ішу және т.б.).
Е вирусты гепатиті А гепатитіне ұқсас. Алдын алу шаралары – су қорын ластанудан қорғау, ауыз суды үнемі хлорлау, қоғамдық тамақтандыру орындарында санитарлық бақылау және т.б.
В және С вирусты гепатиттері. Парентеральды В және С гепатиттері әлемде ең көп инфекциялардың бірі болып табылады. Олардың қулығы бауырдағы созылмалы қабыну процесінің дамуында жатыр, ол циррозға және бауыр ісігіне әкелуі мүмкін. Тәуекел тобына 18-39 жас аралығындағылар жатады.
В және С гепатиттері вирустары жұқтырған қанның аз мөлшері арқылы беріледі. В гепатиті вирусы қанда ғана емес, сонымен қатар науқастың немесе вирус тасымалдаушының шәуетінде, қынап секрециясында, сілекейінде, емшек сүтінде және басқа да биологиялық сұйықтықтарында кездеседі.
Инфекция пирсинг, татуировка, маникюр, педикюр немесе нашар өңделген құралдармен құлақты тесу кезінде пайда болуы мүмкін.
Парентеральды гепатиттің алдын алу:
-жыныстық қатынасқа түспеу және презервативті қолдануды ұмытпау;
-есірткіні, әсіресе инъекциялық заттарды қолдаңбаңыз;
-күмәнді мекемелерде пирсинг пен татуировка жасамаңыз;
-жеке гигиена ережелерін сақтау.
Арнайы профилактика. А және В гепатитіне қарсы иммундау ҚР Ұлттық профилактикалық егу күнтізбесіне енгізілген.
В вирустық гепатиті өмірінің бірінші жылындағы балаларға беріледі (2 ай және 4 айда ревакцинациямен өмірдің 1-4 күндері вакцинация.). Вирусты гепатит А балаларға 2 жаста 6 айлық аралығымен 2 рет енгізіледі.