Қызамық – гемолитикалық токсигенді А тобындағы стрептококкты жұқтырған кезде дамитын жұқпалы ауру. Қызамықтың жасырын кезеңі 3 күннен 7 күнге дейін созылады. Ауру баланың әл-ауқатының күрт бұзылуынан жедел басталады: ол енжар, ұйқышыл болады, қатты бас ауруы мен қалтырауға шағымданады. Дене қызуы аурудың ауырлығына байланысты лезде жоғары (38-40°C)көтеріледі. Бұл кезеңде ауру тұмауға немесе басқа вирустық инфекцияға ұқсайды. 2-3 күн ішінде ерекше бөртпе пайда болады - кішкентай қызыл бөртпе. Алдымен бет, мойын, кеудені зақымдайды, кейін бірте-бірте бүкіл денеге таралады. Бөртпе пайда болған жерлердегі тері кедір-бұдыр және қатты құрғақ болады, қатты қышиды.Қызамықтың тағы бір белгісі - қызарған беттердің аясында айқын көрінетін мұрын астындағы ақ үшбұрыш. Бөртпе орта есеппен 2-ден 6 күнге дейін созылады. Содан кейін тері біртіндеп бозарып, қабыршақтай бастайды.Қызамықтың «таңқурай тілі» арқылы да диагнозы қойылады. Ауру басталған кезде тілде бозғылт жабын пайда болады, ол бірнеше күннен кейін жойылады. Содан кейін тілдегі бүртіктер айтарлықтай ұлғаяды және ол ашық қызыл түске айналады. Қызамықты ауа-тамшылы жолмен немесе адамдармен қарым-қатынаста болған кезде жұқтыруға болады. Инфекция науқас адамнан негізінен жөтелу немесе түшкіру арқылы ұсақ сілекей шашыраңқасы арқылы таралады. Олардың құрамындағы бактериялар ауа арқылы жүріп, басқа адамдардың тыныс алу жолдарына еніп немесе әртүрлі заттарға қоныстануы мүмкін.
Қызамықтың алдын алуы:
-аурудың тасымалдаушысымен байланыста болмау;
-баланың иммундық жүйесін нығайту;
-жеке гигиена ережелерін сақтау.
Қызамықпен ауыратын балалар, балалар мекемелеріне бармауы керек.Егер белгілер пайда болса, дәрігерге көріну керек.