Көкжөтел – өткір антропоноздық ауа тамшылы бактериялық инфекция, оған тән симптомы – ұстамалы спазмды жөтел. Тыныс алу жолдарының қауіпті жұқпалы ауруы. Екі жасқа дейінгі балалар үшін өте қауіпті. Мектепке дейінгі жастағы балалар жиі ауырады.
Инкубациялық кезең 7-ден 14-күнге дейін созылады. Инфекция жұқтырған адаммен тікелей байланыста ауа тамшылары арқылы жүреді.
Науқас аурудың 1-ден 25-ші күніне дейін жұқпалы. Антибиотикалық терапияны уақытылы жүргізу арқылы инфекциялық кезеңінің ұзақтығын азайтуға болады. Науқас аурудың алғашқы белгілері пайда болған сәттен бастап 30 күн бойы басқаларға қауіпті.
Бір реттік егу қысқа мерзімді нәтиже береді, вакцинация күнтізбесінде белгіленген мерзімде қайталап вакцинациялау қажет.
Вакцинациядан кейінгі иммунитет толық қорғауға кепілдік бермейтінін түсіну керек, алайда мұндай балаларда ауру көптеген асқынуларды тудырмай, жеңілірек және тезірек өтеді.
Көп жағдайда клиникалық маңызды көкжөтел 1 жастан 5 жасқа дейінгі балаларда кездеседі, жедел ауру және өлім негізінен иммунитеті жоқ өте кішкентай балалар арасында тіркеледі.
Симптомдары. Жалпы әлсіздік, қызба, мұрынның ағуы, түшкіру, жеңіл жөтел, ұзаққа созылған ауыр жөтел, түнде күшейтілген жөтел, эцефалопатия.
Көкжөтел ауруы жиі қайталама бактериялық инфекциямен бірге жүреді. Нәтижесінде бронхит және пневмония сияқты асқынулар пайда болуы мүмкін.
Науқас адаммен қарым-қатынас жасау нәтижесінде спецификалық иммунитеті жоқ адамдардың 90% дейін жұқтыруы мүмкін.
Алдын алу
Негізгі профилактикалық шара – вакцинация. Вакцинация денеге арнайы иммунобиологиялық препараттарды енгізгеннен кейін көкжөтелге қарсы иммунитетті қалыптастыруға мүмкіндік береді. Вакцинацияланған адамдарда, тіпті жұқтырған болса да, ауру өте жеңіл түрде өтеді.
Көкжөтелге қарсы ең жақсы қорғаныс – вакцинация!