Маймыл шешегі

Бүгінгі әлемде , дәлірек айтсақ, денсаулық сақтау саласында коронавирустық инфекциядан кейін ең өзекті тақырып – «Маймыл шешегі».

Маймыл шешегі сирек кездесетін вирустық зооноздық ауру(яғни, жануарлардан адамға берілетін инфекция, оның белгілері шешектің клиникалық көрінісіне ұқсас, бірақ маймыл шешегіндегі аурудың ағымы әдетте онша ауыр емес).

Маймыл шешегі Батыс Африка елдерінде (Конго ДР, Конго Республикасы, Камерун, Орталық Африка  Республикасы, Нигерия, кот-д Ивуар,Либерия ,Сьерра-Леоне , Габон және Оңтүстік Судан) жиі кездеседі.

Ресми дереккөздерге сәйкес Африкадағы жағдайлардың саны 2016 жылдан бері жылдам өсуде, ауру 20 есеге өсті. Ең үлкен көрсеткіштер Нигерия мен Конгода тіркелген.

Инфекция көзі

Маймыл шешегі ауруының негізгі көзі жабайы жануарлар: приматтар мен кеміргіштер. Инфекция ең алдымен ауа тамшылары арқылы, сондай-ақ ауру адамның қанымен немесе оның биологиялық сұйықтықтарымен байланыста болуы, ауру жануардың етін кесу және жеу арқылы болуы мүмкін.

Тасымалдау жолдары

Жабайы жануарлармен  – кеміргіштермен және жабайы маймыл приматтарымен байланыс.

Ауру адаммен тығыз физикалық байланыс (вирус ағзаға зақымдалған тері, тыныс алу жолдары, көз, мұрын және биологиялық сұйықтықтар арқылы енеді).

Ауа тамшыларымен (науқаспен жабық бөлмеде болған кезде) және теріні зақымдау немесе емделушінің биологиялық сұйықтықтары бар заттармен жанасу арқылы.

Маймыл шешегінің инкубациялық кезеңі 6-дан 13 күнге дейін, бірақ 5-тен 21 күнге дейін болуы мүмкін.

Алдын алу

Маймыл шешегінің алдын алудың негізгі стратегиясы қауіп факторлары мен шаралары туралы хабарламаларды арттыру болып табылады.

Шет елдерге шығатын саяхатшыларға арналған ұсыныстар:

Маймыл шешегінің ошақтары тіркелген Батыс Африка елдеріне (Конго ДР, Конго Республикасы, Камерун, Орталық Африка  Республикасы, Нигерия, кот-д Ивуар,Либерия ,Сьерра-Леоне , Габон және Оңтүстік Судан) барудан аулақ болыңыз.

Шет елдерге барған жағдайда:

• жабайы жанурлармен (приматтар, кеміргіштер) байланыста болмау;
• ашық жерлерде тамақтанбаңыз;
• тек мұқият термиялық өңделген өнімдерді (етті) жеу;
• адамдар көп жиналатын орындарға барған кезде жеке профилактикалық шараларды қолдаңыңыз (арақашықты сақтау, медициналық маскалар, дезинфекциялау құралдары), қол және тыныс алу гигиенасы;

Егер 3 апта ішінде сапардан оралған кезде өзіңізді нашар сезіңсеңіз, дене қызуыңыз көтерілсе, бөртпе пайда болса (қызару, көпіршіктер және т.б.), дереу жақын жердегі медициналық мекемеге хабарласыңыз, шетелде болғаныңыз туралы міндетті түрде хабарлаңыз.

Бүгінгі күнге дейін Қазақстан Республикасында маймыл шешегі ауруының күдікті бірде-бір жағдай тіркелген жоқ.