Көкжөтел –Bordetellapertussis таяқшасынан туындайтын жедел жұқпалы ауру. Клиникалық түрде респираторлық синдромымен (жоғарғы тыныс жолдарының зақымдануы) ұзаққа созылған ұстамалы жөтелмен көрінеді.
Көкжөтел ауруы антропонозды болып келеді, яғни онымен тек қана адамдар ауырады. Инфекция көзі – көкжөтелмен ауыратын науқастар, тасымалдаушылар. Эпидемиологиялық тұрғыдан алғанда, шағымдары мен клиникалық белгілері жоқ, белсенді өмір салтын ұстанатын, бірақ қоршаған ортаға микробтарды шығаратын, айналасындағыларды жұқтыратын бактерия бөлгіштер ең қауіпті. Көкжөтелге аэрозольді берілу механизмі тән, яғни ауру 2 метрге дейін ауа тамшылары арқылы беріледі, әсіресе инфекция жақын, отбасылық байланыста болады.Көкжөтелге қарсы егілмеген мектеп жасына дейінгі балалар жиі ауырады.
Көкжөтелдің асқынуы:
Респираторлы (жөтел, іріңді бөлінбестен мұрыннан су ағу);
Интоксикация – орташа, қысқа мерзімді төмен температурамен сипатталады. Асқынулар дамыған кезде жоғары температура болуы мүмкін (пневмония);
Тыныс алу жолдарының үзілуі;
Өкпенің дұрыс жұмыс істеуінің бұзылуы (эмфизема);
Көкжөтел ауруы көбінесе қайталама бактериялық инфекцияның қосылуымен бірге жүреді. Нәтижесінде бронхит және пневмония сияқты асқынулар пайда болуы мүмкін.
Алдын алу
Негізгі алдын алу шарасы – вакцинация. Вакцинация ағзаға арнайы иммунобиологиялық препараттарды енгізгеннен кейін көкжөтелге қарсы иммунитетті қалыптастыруға мүмкіндік береді. Екпе алған адамдарда, тіпті жұқтырған жағдайда да, ауру өте жеңіл түрде өтеді.