Статистика бойынша өрттер көбінесе тұрғын үйлерде болады. Оның негізгі себептері теледидарлар мен басқа да тұрмыстық электр аспаптарын дұрыс пайдаланбау, төсекте темекі шегу болып табылады.
Зақымдалған электр сымдары, жылыту пештерінің ақаулығы, жанғыш сұйықтықтармен және тұрмыстық химияның басқа да заттарымен жұмыс істеу кезінде сақтық шараларын сақтамау, сондай-ақ балалардың отпен ойнауы да өрт ошағының пайда болуына әкеліп соқтыруы мүмкін.
Көп жағдайда өрт тұрмыстық газ құралдарын дұрыс пайдаланбаған жағдайда болады. Себебі үйдегі тұрмыстық газ – әдеттегі құбылыс. Тұрмыста қолданылатын газдың жарылыс қаупі бар екенін, оның жоғары шоғырлануы мен отпен ұқыпсыз қарым-қатынасы ауыр зардаптарға әкелуі мүмкін екенін ұмытпау қажет.
Газ аспаптарын пайдаланған кезде оларды пайдалану қағидаларының талаптарын сақтаңыз, қосылған газ аспаптарын бақылаусыз қалдырмаңыз, газ плитасының үстінен киім-кешекті құрғатпаңыз. Балалар мен жасөспірімдерге газ аспаптарын қолдануға жол бермеңіз, редукторды арнайы тығыздағыш сағызсыз орнатпаңыз және газдың ашық отпен ағып кетуін тексермеңіз, ол үшін сабын эмульсиясын қолдану керек. Газ аспаптарын пайдалану тоқтатылғаннан кейін аспаптар мен газ құбырындағы крандарды жабу керек. Газ аспаптарын жөндеумен және қайта орнатумен осындай жұмыстарды жүргізуге лицензиясы бар арнайы қызметтер ғана айналысуға рұқсат етіледі. Газдың шамалы иісі байқалса, дереу авариялық қызметке хабарлаңыз. Мұндай жағдайларда ашық отты пайдалануға, электр жарығын, электр аспаптарын қосуға болмайды, міндетті түрде үй-жайды желдетіңіз.
Ақсу ауданының төтенше жағдайлар бөлімі сіздерді өрт қауіпсіздігін ережелерін бұзбауды сұрайды.
ТЖБ Ақсу.